தமிழ், தெலுங்கு, மலையாளம், கன்னடம் என பல மொழிகளில் நடித்து தனக்கென ஒரு ரசிகர் பட்டாளத்தை வைத்திருப்பவர் நடிகை ரம்யா கிருஷ்ணன்.

நடிகை ரம்யா கிருஷ்ணன் தற்போது ரொமான்டிக் என்ற திரைப் படத்தில் பிஸியாக நடித்து வருகிறார் . இந்த திரைப்படத்தில் நடிகர் ஆகாஷ் பூரி மற்றும் கித்திகா ஷர்மா ஆகியோர் முக்கிய கதாபாத்திரத்தில் நடித்து வருகின்றனர். மேலும் இந்த திரைப்படத்தை அறிமுக இயக்குனரான அணில் பாதுரி இயக்குகிறார் என்பது குறிப்பிடத்தக்கது.

இந்த திரைப்படத்தின் படப்பிடிப்பு நடைபெற்று வரும் நிலையில் நடிகை ரம்யா கிருஷ்ணாவின் காட்சிகள் எடுக்கப்பட்டு வருகின்றன. இதற்காக படக்குழுவினர் கோவா சென்றிருக்கின்றனர். அடுத்து வரும் 30 நாட்களுக்கு ரம்யாகிருஷ்ணன் படத்தில் இடம்பெறும் காட்சிகள் அனைத்தும் படம் பிடிக்கப்படும் எனவும் படக்குழுவினர் அறிவிக்க உள்ளனர்.

இதற்கு முன்பு நடிகை ரம்யாகிருஷ்ணன் வரும் காட்சிகள் ஹைதராபாத்தில் படமாக்கப்பட்டது என்பது குறிப்பிடத்தக்கது. இத்திரைப்படத்தின் இசையை ராம் காம் என்பவர் அமைக்கிறார். மேலும் இத்திரைப்படத்தின் வெளியீட்டு தேதி விரைவில் அறிவிக்கப்படும் எனவும் படக்குழுவினர் சார்பில் அறிவிப்பு வெளியாகி உள்ளது.